What is Beggar?

取「乞」嘅諧音字—嗨，因此乞客又稱嗨客／西客／奧客，特徵如：自覺高人一等、蠻橫無理、最愛撻朵、對服務員零體諒、最憎使錢等等。

Why Beggar's face so 9?

乞客個西樣望落構圖簡單，實質非常精深，佢哋個鼻隱藏咗男性嘅一個重要器官，你哋自己估吓係咩啦。😏

Why start a FB page?

而家嘅社會有個怪現象，覺得服務業嘅人係唔需要被尊重。我有畀錢嘅話，就「I am the king, I am the new world」，遇到唔啱自己心水嘅事就投訴，但投訴內容係可以好無道理同邏輯。作為出晒名嘅投訴之都，喺香港做過或者做緊服務業嘅你哋都應該有畀乞客瘋狂虐待嘅深刻感受。
其實社會人人平等，大家互相尊重，唔係好普通嘅道理嚟嘅咩？點解一講到服務行業，客畀屎我食就要受？畀人羞辱完仲要道歉？想同人講吓呻吓會換嚟「你做呢行就預咗㗎啦！」呢啲零安慰嘅廢話。開Page嘅原因除咗係想搵一班同路人之外，仲係想澄清一下「顧客不是永遠對的」！希望大家能夠尊重所有人，包括服務緊你嗰位侍應、工人姐姐、sales哥哥、清潔工嬸嬸等等。